Svampurinn skilar sér til mín

Fólk hefur verið að gauka að mér svampi. Fékk heila dýnu frá Steina og Evu, nágrönnum mínum. Marta kom í vinnuna til mín með fínan og nettan svamp. Takk fyrir svampinn. Fyrir vikið gat ég klára einn skemmtilegan karakter. Eftir að munnurinn var settur á sinn stað. Kom í ljós að ég hafði eitthvað klippt skakkt munngatið. Greyið varð frekar skakkur allur. Og var hann næstum því settur í ruslið. En þegar ég var búinn að föndra nýja tegund af augum, þá var hann allt í einu kominn með nýjan karakter. Skemmtilega ljótur. Nokkuð sáttur við drenginn. Er að ákveða mig hvort ég eigi að splæsa tönn eða tönnum upp í gæjann.
Ég á nóg af svampi í bili sýnist mér. Ekki nema einhver eigi svamp sem er sléttur báðum megin og c.a 2-3 cm á þykkt.
Lystadún virðist ekki eiga nógu stóra afganga hehe.

Athugasemdir

[Guðmundur Halldórsson (IP-tala skráð) 20.4.2008 kl. 11:42]

Flott skyrta!!

[Ingvar Valgeirsson, 20.4.2008 kl. 12:44]

Þessi kall er snilld. Hann minnir mig á strák sem ég var að vinna með einu sinni, vænsti piltur og mikill tónlistaráhugamaður. Hann heitir Baldur sá, sting hér með upp á því sem nafni á brúðuna.

[Steingrímur Rúnar Guðmundsson, 20.4.2008 kl. 16:22]

Baldur já....

Bíð eftir að gaurinn segi nafnið sitt sjálfur.
Já fín skyrta sem ég fékk af Guðmundi frænda mínum. Þessir gaurar eru að nota föt númer 56-58 í barnastærðum

[Baldur Pan (IP-tala skráð) 20.4.2008 kl. 23:20]

Ég styð þá tillögu. Baldur! *klapp klapp klapp* Baldur! *klapp klapp klapp*

[Marta, 21.4.2008 kl. 00:36]

Gaman að vera hluti af sköpun! :D hehe.. Ég styð nafnið Baldur!

[Bárður Örn Bárðarson, 21.4.2008 kl. 16:20]

Þetta er finn félagi. FLOTTUR. Svo er ég viss um að það er hægt að tala við hann af viti. Balur er flott nafn á gulan gutta.

[Matthildur Ágústa Helgadóttir Jónudóttir, 22.4.2008 kl. 16:57]

Flottur!  Er hægt að panta gráhærða svampkonu með hanakamb?

[Steingrímur Rúnar Guðmundsson, 22.4.2008 kl. 19:47]

já þú segir nokkuð matthildur....
Pantanir fara að hrúgast inn! Skal hafa þig á bakvið eyrað þegar ég er búinn með Mysterious Mörtu. Þarf þá einhverja sniðuga lausn með gleraugun

[Ingvar Valgeirsson, 23.4.2008 kl. 12:01]

Fá lítinn gítarleikara að norðan með grásprengt hár, þunnt í hvirfilinn. Með Garrison.