Blogg.....?

Á maður að byrja að blogga aftur???

Nú vantar bara hendur tvær.

Þessa dagana er bara þetta brúðubrölt sem kemst að. Samt er verið að undirbúa jólin. Hef voðalítið um skrifa annars.
Fyrir þá sem fylgjast með brúðugerðinni, þá er ég nánast búinn með þennan dreng. Vinnuheitið á honum gæti verið Óli Bítill. Svona til að fólk átti sig á stærðinni á honum, þá er hann í hlýrabol af mér!.......... OK OK!! Hann hljóp mjög mikið í þvotti! Sæunn kemst í hann. Kannski hann passi í boli og svona af Sæunni. Svona persónulega er þessi brúða of stór. En ekkert of þung samt. Veit ekki hvað ég geri við hann. Þetta er skemmtilegur karakter. Og ansi skemmtilegt að gera hann.
Það hefur verið bæði hringt í mig og einnig komið til mín og spurður hvort ég sé farinn að selja eitthvað af þessum brúðum. En því miður, þá á ég ekki nógu margar fullgerðar og nógu fullkomnar brúður til að láta frá mér. Það er mjög erfitt að verðleggja þessar brúður. Oft á tíðum hafa farið mikill tími í sumar og maður tímir ekki að láta þær frá sér. En samt blundar svolítið í mér að gera nokkur stykki af einni útgáfu sem ég hef gert til að láta frá mér. Hef líka fengið líka óskir sem erfitt er að uppfylla. En ef einhver kemur með sniðuga hugmynd, sem er framkvæmanleg ætti að vera lítið mál að klára dæmið fyrir smá pening. Það er auðvelt að halda niðri efniskostnaði.

Hár, hár, hár, nú fer kallinn alveg að verða klár.

Fékk loksins hár á kauða. Get voðalega lítið gert í viðbót.....í bili. Vantar meira flís. Fékk fína Bítlakollu á drenginn. Svo fær hann bráðum augabrúnir áfastar hehe.

Þróun "Svampfinns"

Augu eyru, munnur og nef. Þetta var smástökk um helgina. Bætti við eyrum í morgun. Bíð eftir hári

Einn ég sit og sauma

Fékk í gær límsprey. Byrjaði í morgun aðeins að eiga við þennan haus sem ég hef verið með í smíðum. Límdi niður andlitið og saumaði niður sár sem þurfti að loka. Ég var eins og lýtalæknir á köflum. Þurfti að læra nýtt spor og allt. Á eftir að líma augun, og ákveða augabrúnir. Tyllti þessu bara aðeins fyrir myndatöku. Svo fær hann fullkomið hár með greiðslu hehe. Er bara að verða búinn með flísið. Þarf að senda einhvern í Rúmfatalagerinn. Því búkinn þarf að klæða líka. Þessi brúða er eflaust sú flóknasta og skemmtilegast sem ég hef smíðað.

Ítreka enn og aftur. Ef einhver luma á litaglöðum loðnum efnum. Og þarf að losa sig við. Endilega láta mig vita. Það má henda á mig pokum í vinnuna.

Nip & tuck

Jæja nú er verið að græða skinn á greyið. Bíð eftir að fá lím til að klára að festa andlitið á gaurinn. Eitthvað eiturspreylím virkar best. Rándýrt! Svo þarf að klippa burtu afgangana svo hann sé ekki með kalkúnaháls og aukaskinn á enninu. Svo verður þetta saumað saman á nokkrum stöðum. Spennandi! Já auðvitað fær hann eyru, hár og augabrúnir.

Mannlegra útlit?

Er að prufa form sem ég fékk frá einum sem kallar sig Dr. Puppet. Menn taka upp Dr eitthvað í fleiri greinum en poppi. Með þessu ætla ég að reyna að skapa brúðu með manneskjulegra útlit heldur en ég hef unnið með. Þetta krot framan í honum er bara riss hjá mér. Bara til að staðsetja hluti. Skóp á hann enni og munn. Næst er að smíða upp í hann munnplötu, nef og augu. Klæðann svo einhverju skinni. Samt ekki úr manni. Bara flís hoho.

Fékk skemmtilegt símtal stuttu eftir að viðtalið birtist við mig á RÚV um daginn. Það gæti farið að verða svolítið að gera hjá mér í þessu brúðubrölti. En það á eftir að skýrast vonandi á næstu vikum hvort verði úr þessu. Við erum þá að tala um ALL nokkrar brúður. Spennandi og skemmtileg verkefni skal ég segja ykkur.
Ef einhver er að taka til í geymslunni sinni eða skápum, og er að fara að henda litríkum loðnum efnum, þá má hinn sami senda mér línu eða bjalla, er í símaskránni/ ja.is .

Kallinn í kassanum

Ingvar og fleiri voru að spyrja hvort og hvar ég hafi verið í imbanum. Þá var það hérna.

Í vinnslu

Er að reyna að færa þetta brúðdæmi á annað plan. Og er að dúlla mér í þessum haus hérna. Þetta er í raun hauskúpan og svo koma fleiri andlitsdrættir fram og seinna augu og skinn utan um. Bara gaman að þessu.

Nú styttist í þetta vonandi.

It's been two weeks, today, since the deadline for entry into Puppet Contest 2008: A Space Odyssey. We just wanted to update you on the progress of the judging. We've received word back from most of our distinguished judges regarding their top picks and expect to hear from all of them before the weekend is through.
Those of you who participated in the contest will be glad to know that many of the judges have sent comments along with their top ten choices. We'll be passing those comments via email on to you. The comments from the judges are invaluable to those looking to ever improve their skills as puppet builders and character creators - a truly amazing opportunity, in tandem with the spirit of Project Puppet.

28 Entries!

Puppet Contest 2008: A Space Odyssey received entries from all around the world...Spain, Germany, Australia, Britain, Canada, USA, and even Iceland! Twenty-eight entries in all, which must be a significant number when it comes to puppet contests. We received the exact same number of entries in the previous two contests , from the first annual puppet contest held at Project Puppet to this one. Go figure!

As you can see from the sampling above, we received a lot of great entries. The work each contestant put into their space character really shines through, lots of crazy characters with wacky personalities and stories. Thanks to all who participated this year! We'll get the Top Ten Finalists up for the public vote as soon as we can!

Svona hljómar nýjasta fréttabréf þeirra hjá Project Puppet. Það sést glitta í Galdur þarna við ártalið 2008.  Ég yrði agalega sáttur að komast í topp 10!