Bandið hans Bubba

Þetta var bara stuð í gær. Mætti hálf sjö í gærkvöldi og skráði mig inn og fékk númer, teknar myndir af mér og ég þurfti að fylla út nokkrar línur. Svara fyrir hvort ég ætti von á dómi og fleira. Tökur hófust svo um kl 19:30.
Þetta rúllaði bara fínt áfram. Ég var 3. í röðinni að koma fram. Fyrst tók Unnur Birna fegurðardrottning viðtal við mann og svo fór maður niður og kom sér fyrir með gítarinn. Svo átti maður spjall við Bubba, sem var úti í sal. Maður sá rétt greina fyrir honum í reyknum og ljósunum. Frekar mikið af ljósum í Kjallaranum þetta kvöldið. Svo taldi maður bara í lagið og söng og spilaði eins og maður ætti lífið að leysa. Bubbi var frekar jákvæður við mig. Setti aðeins út á taktinn hjá mér og svona. Svo var maður rifinn aftur í viðtal.

Bara þetta kvöld er örugglega stutt brot í þætti. Ég var kominn heim á miðnætti.
Það voru nokkrir sem áttu góða spretti þarna. Áberandi samt hvað margir sem mættu hafði verið hringt í og beðnir um að mæta. Svo voru einhverjir týndir til úr áhorfendahópi. Bara gaman af því. Feginn að vera hættur að skjálfa og svitna með gítarinn. Aðrir sem sáu um það. En ég játa að að maður var svolítið strekktur og með hnút í maganum. Ef myndavélarnar og ljósin hefðu ekki verið í andlitinu á mér hefði þetta verið í fína. Fannst lítið mál að spila fyrir Bubba. Salurinn var þéttur og fínn. Ylfa Mist sá um að fagna mér:o).
Myndi alveg vilja prufa þetta svona 1 sinni í mánuði.

Bandið hans Bubba míns...

Fékk hringingu í gær. Þar var ungur maður sem spurði kumpánalega hvort minn ætlaði ekki að mæta í prufu hjá honum Bubba. Ég var ekkert alveg á því svona að taka þátt. Blundaði aðeins í manni að það væri gaman að taka þátt. Ég veit bara ekki hvort ég sé tilbúinn að láta Bubbann hrauna yfir mig. Svo veit ég ekkert hvaða lag ég ætti að taka. Þarf að vera á íslensku sem er kostur. Færi nú ekki að taka Bubbalag fyrir Bubba. Við höfum rætt það áður sko! Ligg undir lopapeysunni minni og hugsa þetta.
Meðfylgjandi mynd er takin af Siggu vinnufélaga mínum, á síðsta laugardag.

Róleg helgi

Átti mjög rólega helgi þannig séð þó að það hafi verið mikið að gera.
Spilaði á föstudagskvöldið á Langa Manga. Frekar rólegt.
Svo átti Halldór mágur minn afmæli. Stórafmæli meiri segja. Mér skilst hann hafi tekið við nýju starfi í dag. Og gekk hann undir nafninu Fallegi Framkvæmdastjórinn í veislunni. Enda bróðir hann með fyrirtækið Fallegi smiðurinn. Eftir afmælið mætti ég á Langa og spilaði til að verða 2. Róleg helgi og rólegt yfir fólki almennt.

Ætla að prufa að koma með getraun eins og Ingvar Valgeirs og Gummi Guðjóns gera ansi oft.
Hvaða maður er þetta? Vísbendingar koma síðar ef þörf krefur.

Ég er ekki Steingrímur Guðmundsson....

trommuleikari. Hvað þá Steingrímur Eyfjörð listamaður.

Hinsvegar hefur daglegurdenni fyrrv. simnet.is/steingrimur fengið bréf frá ritstjóra eins blaðs í þessu landi og tekið mig fyrir Denna nafna minn Ólafsson. Það var frekar nett bréf, sem ég áfram sendi um árið á réttan Denna.

Yfirlýsing frá Ragnari Axelssyni ljósmyndara

15 sec frægð

Hann Guðmundur starfsfélagi minn er víst þekktari fyrir boltaspark frekar en söng. Félagar hans borguðu honum fúlgur fyrir að taka lagið með mér um miðjan september. Þetta náðist á filmu og fær Guðmundur hér 15 sekúndur af frægð.

 Guðmundur tryllir lýðinn. Smellið hér.

Svona eru menn

Á næsta föstudag, verða KK og Einar Kára í Edinborgarhúsinu. Þar stiklar Einar Kára á ævi KK´s (nota eignarfalls essið!), og KK sjálfur mun krydda sögurnar og örugglega taka lagið.
Nú er ég einmitt á Langa Manga síðar um kvöldið. Fæ örlítinn kjánahroll yfir því að KK verði á svæðinu. Efast samt um að hann kíki á Langa hehe. Æi eitthvað svo kjánalegt að fá svona meistara á svæðið þegar maður er í miðju lagi. Kannski að taka Vegbúann. Enn verra væri að fá Bubba og ég væri að taka Afgan.  Sat nú einu sinni á laugardegi fyrir páska eitt árið, á Langa Manga með stútfullt hús. Röð út á götu. Og ég var í stuði. En hugsaði svolítið á meðan með mér að nú vantaði bara að Stebbi og Eyvi myndu labba inn í kofann, og ég væri að taka lagið Nína. Labbar ekki Eyjólfur Kristjánsson inn, ásamt eiginkonu Stebba Hilmars! En ég var ekki að taka lagið Nína, sem betur fer. Og ég var kvefaður og örlítið ölvaður. Eyvi blikkaði mig bara og fékk sér sæti.
Einnig eitt kvöldið rölti Stebbi Magg (sonur Magga Eiríks) inn og spurði hvort hann mætti ekki koma með gítarinn sinn. Það var auðsótt og tókum við allnokkur lög eftir kallinn Magga Eiríks.
Það myndi samt kitla að taka Blindsker eða Afgan með Bubba. Helst á Langa Manga.
Bubbi ef þú ert að lesa þetta, farðu þá að æfa textann. Hitti þig á Langa í súpu.

Það helsta...

Kom að sunnan í gær.  Átti þetta fína flug vestur en hrikalegt suður. Flaug suður á laugardaginn. Fór beint upp á hótel og svo upp í Egilshöll, þar sem starfsmenn Skipta (Síminn, Míla, Já, Skjárinn ofl) hittust 900 manns saman. Áttum fínan dag saman. Með fyrirlestrum og svo endaði þetta í keppni á milli liða í línudansi, kökuskreytingum ofl. Svo var skellt sér á hótelið í sturtu og skelltum okkur svo á Gaukinn, þar sem fljótandi veitingar biðu okkar.
Eftir að hafa fengið allnokkur símtöl frá einum góðum félaga að norðan, sem hafði fengið sér aðeins of mikið af Havana Club, var ákveðið að kíkja aftur upp á hótel þar sem hann ásamt fleirum stóð fyrir partíi. Ég laug mig síðan úr partíinu með þá afsökun að ég ætlaði að sækja mér meiri bjór. Sofnaði nú ekkert strax, erfitt að sofna á hótelum finnst mér. Finnst þau sjaldnast nógu notaleg.

Nú er Sæunn flogin suður. Skólalota hjá henni fram á föstudag. Þannig að ég er einn með stelpurnar 2 hérna heima. Það hefur bara ekkert gerst fyrr en núna. Sýnist það eiga eftir að ganga ágætlega. Er að reyna að láta þær leika sér svolítið saman. Þær eru ekki alltaf duglegar við það. Frekar að fíflast í hvor annari þangað til önnur fer að skæla. Samt er önnur þeirra 1árs og hin 5 ára.

Næstu helgi er ég á Langa Manga. Sem betur fer var fundi 5. október fyrir sunnan frestað. En færist yfir á 18. okt að mig minnir og líklega verður sá fundur á Austurlandi. Spennandi. Aldrei að vita að maður taki með sér trúbadora kittið og finni sér spiladjobb þar.
Sjáum til hvað gerist!

Pornodog!

Ég held að það þyrfti að núllstilla allt svona rugl í heiminum. Það má alveg fara milliveginn í svona málum.
Trúmál og klám þarf endurskoða.

Kostar sitt að kyssa Richard Gere

Fleiri draumar (martraðir)

Ég er dottinn í draumagírinn og ekki þarf ég neina draumstauta til þess.
Í nótt dreymdi mig að ég væri á einhverju flakki með hóp ungra manna. Vorum allir klæddir til að fara á djammið. Við vorum staddir í antíkbúð. Einhver úr hópnum rekur sig í borð og það detta glervörur í gólfið. Afgreiðslukonan kemur og heimtar mjög háa upphæð fyrir það sem brotnaði.
Ég hálfskammaðist mín fyrir hönd félaga minna en er dreginn út úr búðinni og við skellum okkur upp í leigubíl.  Eftir smá akstur komumst við að því að leigubílstjórinn er blindur!! Hann ekur yfir nokkur vegamót og bílar snarbremsa.  Bílstjórinn segir að öllu sé óhætt, hann sjái nú alveg móta fyrir bílunum fyrir framan sig, en það versni svolítið þegar dimma tekur.
Seinna í draumnum fór þetta að fara út í algjöra sýru. 
Mér fannst konan í búðinni vera dáin og var farin að ofsækja mig í svefni. Frekar óhugnalegt allt saman. Man ekki nógu mikið af þessum sýrukafla til að lýsa því í orðum. En ég vaknaði í svitabaði eftir að hafa barist við þessa konu, ásamt brjáluðum apa.

Hárið...

var fínn söngleikur á sínum tíma. Fór á hann með liði úr VMA árið 1995 að mig minnir.

En mikið langar mig að snoða mig bara. Mér finnst dýrt að láta klippa sig. Síðast borgaði ég 2800 kr fyrir klippingu. Fín klipping, góður klippari. En fyrir 2800 kr gætiru hringt til Bandaríkjanna í 140 mín.

Að öðru. Er að fara í borgina þarnæstu helgi. Þar sem ég hitti flestalla vinnufélagana. Þar ætlum við að eyða degi saman, og vonandi skemmt sér eitthvað um kvöldið.