Skilinn eftir í kuldanum

Sæunn er þessa stundina stödd um borð í vél á leið til Tenerife, ásamt systrum mínum 2, mágkonu, mömmu, Bergrós og Dagný frænkum mínum og Diddu vinkonu mömmu.
Þetta er svona stelpuferð. Hér til hliðar er mynd af hótelinu sem þær verða á. Stelpurnar allar koma eftir viku og þá kemur pabbi og ásamt kallinum hennar Diddu.
Og sit ég einn eftir með börn og bú. Ég giska á að Sæunn verði í c.a 20-25 stiga hita eftir nokkra tíma. Hér er -1 gráða. Ekki slæmt samt.
Fyrsta nóttin var sæmileg. Elma er samt að springa úr frekju þessa dagana. Tekur upp á því að vakna á milli 5 og 6 og vill fara fram og helst horfa á Stubbana eða Dýrin í Hálsaskógi. Dýrin í Hálsaskógi á betur við mig. Þar er húmor og skemmtileg heit. Stubbarnir eru svolítið heiladeyfandi.  Sú eldri er hins vegar eins og unglingur, vill helst sofa frameftir og helst fá að vera heima, í staðinn fyrir að fara í leikskólann. Samt er það allt horfið þegar mætt er í leikskólann og hún hittir vinkonur sínar.  Svo er fastur liður á þriðjudögum, miðvikudögum og fimmtudögum. Að keyra í ballet á viðvikudögum og tónlistarskólann á fimmtudögum og þriðjudögum. En þetta breytist allt þegar Svava Rún fer í skóla. Litla barnið mitt er að fara í skóla!! Veit ekki fyrr en ég er farinn að fæla burtu stráka sem standa í röðum. Tíminn líður hratt.

Athugasemdir

[Ingvar Valgeirsson, 20.2.2008 kl. 11:30]

Horfa á Dýrin í hálsaskógi? Er hægt að fá þetta á dvd? Það myndi nú sérseilis gleðja einn ungan mann sem ég þekki... og á.

[Þórdís Einarsdóttir, 20.2.2008 kl. 13:20]

Stubbarnir eru sem betur fer ekki vinsælir á mínu heimili. Drengnum finnst þeir einfaldlega ekkert spennandi.

Horfum aftur á móti endalaust á Shrek, Bangsímon og Frílsa og Cars. 

ÞE 

[Steingrímur Rúnar Guðmundsson, 20.2.2008 kl. 14:40]

Heyrðu já Dýrin í Hálsaskógi eru til á DVD. Þetta er nýrri útgáfan sko. Ekki Bessi Bjarna og Árni Tryggva.

[Saeunn á Tenerife (IP-tala skráð) 21.2.2008 kl. 23:29]

Hae thad er ekkert leidinlegt hér á Tenerife, tho svo ég sakni ykkar :o)

[árný rós (IP-tala skráð) 29.2.2008 kl. 09:53]

5o kall!!

[Linda Pé, 4.3.2008 kl. 10:04]

Við eigum líka Dýrin í Hálsaskógi :-) Það var mikið horft á það á sínum tíma!

Já börnin stækka og nú er bara skóli í haust !!

Mér finnst bara vera örstutt síðan að ég heyrði að þið hefðuð eignast stelpu og svo fæddist mín daginn eftir!!