Mjólk bensín, bensín mjólk

Ég man þá daga, þegar mjólk kostaði það sama og bensín. Nú er verið að tala um það að mjólkin sé að hækka í 100 kr. Bráðum verður mjólk kannski jafn dýr og bensín á þessu ári. Ætli bensínið hlaupi ekki burt frá mjólkinni strax aftur og kosti 200 kr líterinn.
Spurning hvort ég díli við nágrannana um að kaupa eina belju saman. Sá sem á ruslið þessa viku sér um að mjólka.

Páskarnir búnir. Áttum fína páska. Náði að fara örlítið á skíði. Át páskaegg. Fór á Aldrei fór ég suður. Sá nokkur atriði. Nennti ekki að olnboga mig áfram með barn á bakinu í kösinni. Sá Eivöru, Karlakórinn Erni með Óttari Proppé. Heyrði í Sprengjuhöllinni í fjarska. Stóð lengi vel aftast úti á plani, því skemman var stútfull af fólki. Norðurljósin tóku dans um himininn fyrir viðstadda.
Fór á ball með SSSÓL. Hélt smá partí heima. 
Er einn í vinnunni í dag. Mitt fólk bara í veikindum eða í jarðarför. Vonandi fæ ég einhvern í vinnu með mér á morgun.

Það sem stóð upp úr þessa páska er að við náðum að hittast öll stórfjölskyldan. Systkini mín, makar, mamma og pabbi og börn og barnabarn. Ég á ekkert barnabarn. Bróðir minn á það. Ég er afabróðir!
Hér má sjá myndir af öllum skaranum.

Athugasemdir

[Ylfa Mist Helgadóttir, 27.3.2008 kl. 14:50]

Ég er að krebera á þessu olíuverði og víl ólm selja trukkinn minn.

Komstu einhverntíma inn af planinu?? Af því að ég gafst upp og fór heim. Missti því að ofantöldum atriðum... :(

[Steingrímur Rúnar Guðmundsson, 27.3.2008 kl. 15:07]

ég tróðst inn veitingasölumegin....og ætlaði varla að komast til baka.
Komst ágætlega inn á föstudeginum. Bíð bara eftir bókinni eða DVD disknum hoho.

[Elías Guðmundsson (IP-tala skráð) 28.3.2008 kl. 20:44]

Denni ég skal kaupa eina belju með þér, við getum verið svona frístundabændur með eina kú bundna við ljósastaur :-) Ég skal heyja fyrir hana ef þú sér um að mjólka ;-))

[Steingrímur Rúnar Guðmundsson, 29.3.2008 kl. 08:39]

Flott Elli!
Þá er komið svona beljubandalag.

[Steini (IP-tala skráð) 29.3.2008 kl. 23:41]

Denni, þú átt næstu viku í ruslinu, svo þú getur farið að æfa tökin á spenana

kv Steini

[Steingrímur Rúnar Guðmundsson, 30.3.2008 kl. 10:38]

já er ekki hægt að fá svona æfingabelju einhvers staðar?

[Aldís frænka (IP-tala skráð) 31.3.2008 kl. 09:59]

Takk fyrir skemmtilega páska. Var æði að hitta alla! Sjáumst í sumar :)