Fleiri draumar (martraðir)

Ég er dottinn í draumagírinn og ekki þarf ég neina draumstauta til þess.
Í nótt dreymdi mig að ég væri á einhverju flakki með hóp ungra manna. Vorum allir klæddir til að fara á djammið. Við vorum staddir í antíkbúð. Einhver úr hópnum rekur sig í borð og það detta glervörur í gólfið. Afgreiðslukonan kemur og heimtar mjög háa upphæð fyrir það sem brotnaði.
Ég hálfskammaðist mín fyrir hönd félaga minna en er dreginn út úr búðinni og við skellum okkur upp í leigubíl.  Eftir smá akstur komumst við að því að leigubílstjórinn er blindur!! Hann ekur yfir nokkur vegamót og bílar snarbremsa.  Bílstjórinn segir að öllu sé óhætt, hann sjái nú alveg móta fyrir bílunum fyrir framan sig, en það versni svolítið þegar dimma tekur.
Seinna í draumnum fór þetta að fara út í algjöra sýru. 
Mér fannst konan í búðinni vera dáin og var farin að ofsækja mig í svefni. Frekar óhugnalegt allt saman. Man ekki nógu mikið af þessum sýrukafla til að lýsa því í orðum. En ég vaknaði í svitabaði eftir að hafa barist við þessa konu, ásamt brjáluðum apa.

Athugasemdir

[Ingvar Valgeirsson, 25.9.2007 kl. 13:52]

Hættu að éta LSD fyrir svefninn. Þá lagast þetta örugglega.

[Steingrímur Rúnar Guðmundsson, 25.9.2007 kl. 14:48]

Veit ekki hvað er í matnum mínum

[Hjördís Þráinsdóttir, 25.9.2007 kl. 21:55]

Hljómar eins og atriði úr Borat. Var nokkuð feitur, alsber karlmaður með í för?

[Hjördís Þráinsdóttir, 25.9.2007 kl. 21:55]

Eru ekki tvö ell í allsber... júts.

[Fulltrúi fólksins, 26.9.2007 kl. 20:06]

Mikið djöfull er gaman hjá þér á nóttunni, væri til í að upplifa svona helminginn af þessu...svona eins og bílferðinni, hún hefur eflaust verið adrenalín kikk dauðans!

[Steingrímur Rúnar Guðmundsson, 26.9.2007 kl. 20:53]

ég sem er svo bílhræddur!